მინატექსტოლიტი

მინატექსტოლიტი (მინაპლასტიკი) – მინაქსოვილის საფუძველზე დამზადებული ტექსტოლიტი, დრეკადი ფენოვანი პლასტიკი, რომელიც მიიღება ეპოქსიდურ და ფენოლფორმალდეჰიდურ ფისებში გაჟღენთილი მინაქსოვილის ცხელი დაწნეხის მეთოდით. გამოირჩევა მაღალი მექანიკური სიმტკიცით, ატმოსფერული და ქიმიური მედეგობით, მაღალი დიელექტრიკული და ელექტროსაიზოლაციო თვისებებით, აგრესიული გარემოს მიმართ მდგრადობით და სხვ. გამოიყენება დინამიკურ დატვირთვებზე მომუშავე სამშენებლო კონსტრუქციებში, საფანჯრე პროფილებში, ქიმიურად აგრესიული სითხეების შესანახ ტევადობებში, რადიო- და ელექტროტექნიკაში, მანქანა-, თვითმფრინავ- და გემთმშენებლობაში, საკვამლე მილებში, საწნეო კოლექტორებში, ხელსაწყოების კორპუსების დასამზადებლად და სხვ.

წყარო

სამშენებლო ენციკლოპედიური ლექსიკონი