ვენახი

ვენახი (ღმერთო ძალთაო, მომაქციენ ჩუენ, გარდამოიხილე ზეცით და იხილე და მოხედე ვენახსა ამას; და დაამტკიცე ესე, რომელ დაასხა მარჯუენემან შენმან, და ძესა ზედა კაცისასა, რომელ განაძლიერე შენდა. ფსალ. 79, 14-15) - სულიერი მნიშვნელობით ვენახი აღნიშნავს უფლის ეკლესიას. მოხედე ვენახსა ამას. და დაამტკიცე ესე, რომელ დაასხა მარჯუენემან შენმან. მეფე-წინასწარმეტყველი დავითი სთხოვს უფალს, მოხედოს და განამტკიცოს მის მიერ ქვეყნიერებაზე ხელდებული სულიერი ვენახი, ანუ ღვთის ეკლესია.

- ზოგადი სახელი მრავლად დანერგული ვაზისა.

წყარო

• იოსებ ახალშენოვი, - ფსალმუნნის ძველ-ქართულ სიტყვათა, გეოგრაფიულ ადგილთა და ისტორიულ მოვლენათა განმარტებანი (რედაქტორი იოსებ ჯაჯანიძე). 1875, თბილისი, 2004.

• ქართული მატერიალური კულტურის ეთნოგრაფიული ლექსიკონი