საგანელიძე გიორგი (დიპლომატი)
გიორგი საგანელიძე − (Giorgi Saganelidze), ქართველი დიპლომატი, 2016 წლიდან, საქართველოს საგანგებო და სრულუფლებიანი ელჩი სომხეთის რესპუბლიკაში.
დაიბადა 29 სექტემბერი, 1972 წელი, ქ. თბილისი, საქართველო.
განათლება:
1991-1996 − ივ. ჯავახიშვილის სახელობის თბილისის სახელმწიფო უნივერსიტეტი. აღმოსავლეთმცოდნე;
1993-1996 − ივ. ჯავახიშვილის სახელობის თბილისის სახელმწიფო უნივერსიტეტი. სამართალმცოდნე.
სამუშაო გამოცდილება:
1996 − საქართველოს საგარეო საქმეთა სამინისტროს აზიის, აფრიკისა და ოკეანეთის დეპარტამენტის, შემდგომ კი (1997 წლიდან) დსთ-ს დეპარტამენტის სტაჟიორი;
1998 − დსთ-ს დეპარტამენტის ატაშე;
1999 − დსთ-ს დეპარტამენტის მეორე მდივანი;
2000 − დსთ-ს დამოუკიდებელი სამმართველოს მრჩეველი;
2003 − დსთ-ს დამოუკიდებელი სამმართველოს უფროსი;
2005 − საგანგებო და სრულუფლებიანი დესპანი სომხეთის რესპუბლიკაში;
2009 − საგანგებო და სრულუფლებიანი დესპანი უზბეკეთის რესპუბლიკაში;
2011 − სომხეთის რესპუბლიკაში საქართველოს საელჩოს უფროსი მრჩეველი;
2013 − საგანგებო და სრულუფლებიანი დესპანი სომხეთის რესპუბლიკაში.
ფლობს: ინგლისურ და რუსულ ენებს.
მინიჭებული აქვს საგანგებო და სრულუფლებიანი დესპანის დიპლომატიური რანგი.
