ონქოცერკა

ონქოცერკა (Onchocerca; ბერძნ. onkos ჩირქგროვა, სიმსივნე + kerkos კუდი) – ნემატოდების გვარი; მიეკუთვნება Filariidae-ს ოჯახს, Filariata-ს ქვერაზმს. ბიოჰელმინთი.

Onchocerca reticulata (ლათ. reticulatus ბადისებრი) – სახეობა, პარაზიტობს ცხენის ფეხის მომხრელი მყესების ქსოვილებში, საბორკილე სახსრის იოგებში, სისხლძარღვოვან ქსოვილებში ჩლიქიდან წინამხრამდე და კიდურების მყესების მიდამოს კანქვეშა უჯრედისში.

შუალედური მასპინძელი – ოფები; O.cervicalis (ლათ. კისრის) – სახეობა, პარაზიტობს ცხენის ქედის იოგის მყესოვან ქსოვილში.

შუალედური მასპინძელი – ოფები და კოღოები; O.gutturosa (ლათ. guttur ყელი, ხახა) – სახეობა, პარაზიტობს მსხვილფეხა მცოხნელი პირუტყვის ქედის იოგის შემაერთებელ ქსოვილებში.

შუალედური მასპინძელი – ქინქლები.

წყარო

სავეტერინარო პარაზიტოლოგიის ტერმინთა ლექსიკონი