ფუტურიზმი
NPLG Wiki Dictionaries გვერდიდან
11:43, 11 მაისი 2023-ის ვერსია, შეტანილი Tkenchoshvili (განხილვა | წვლილი)-ის მიერ
ფუტურიზმი – (ლათ. futurum – მომავალი), ერთ-ერთი ძირითადი ავანგარდისტული მიმდინარეობა მე-20 ს. დასაწყისის ევროპულ ხელოვნებაში. განსაკუთრებული გამოძახილი ჰპოვა იტალიასა და რუსეთში. ფუტურიზმის დოქტრინა გულისხმობდა სრულ დაშორებას ტრადიციულ კულტურასთან, თანადროული ურბანისტული ცივილიზაციის ესთეტიკის დამკვიდრებას მთელი მისი დინამიკით, გაუპიროვნებულობით, იმმორალიზმით; ფუტურისტები ასახავდნენ „ბრბოში მყოფი ადამიანის“ ცნობიერებას, გადმოსცემდნენ ტექნიზირებული „ინტენსიური ცხოვრების“ რიტმს.
