პშიბიშევსკი სტანისლავ
NPLG Wiki Dictionaries გვერდიდან
20:16, 31 ივლისი 2023-ის ვერსია, შეტანილი Tkenchoshvili (განხილვა | წვლილი)-ის მიერ
სტანისლავ პშიბიშევსკი –(პოლ. Stanisław Feliks Przybyszewski; 1868-1927), პოლონელი მწერალი და დრამატურგი. წერდა პოლონურ და გერმანულ ენაზე. სიმბოლიზმის წარმომადგენელი. გატაცებული იყო ნიცშეს „ძლიერი პიროვნების“ კულტით, იდეებით „ხელოვნება ხელოვნებისათვის“, ეროტიზმით. პიესები: „ბედნიერებისათვის“, „თოვლი“, „ოქროს საწმისი“, „სტუმრები“, „დედა“, „წყვდიადი“, „ქალაქი“, „შურისმაძიებელი“ (და სხვ.). მისი დრამები განსაკუთრებით პოპულარული იყო მე-20 საუკუნის დასაწყისში და იდგმებოდა მთელ მსოფლიოში.
