დასდებელი
NPLG Wiki Dictionaries გვერდიდან
14:58, 23 თებერვალი 2024-ის ვერსია, შეტანილი Tkenchoshvili (განხილვა | წვლილი)-ის მიერ
დასდებელი (ტროპარი, მუხლი) – ჰიმნოგრაფიული ტერმინი. საგალობელთა ჯგუფში პირველი არის ძლისპირი, კილოსა და საზომის მიმცემი, დანარჩენები – დასდებელნი. თავდაპირველი საფეხური ქართული ლიტურგიკისა ფსალმუნური იყო. შემდგომ იწყეს ფსალმუნთათვის სხვადასხვა საგალობელთა მიმატება-მიდება (აქედან — ტერმინი „დასდებელი“). VII საუკუნემდე, როცა ქართული ჰიმნოგრაფიული ტერმინოლოგია ღარიბი იყო, „დასდებელი“ სხვადასხვა ლიტურგიული ცნების გამოსახატავად იხმარებოდა.
