თ
NPLG Wiki Dictionaries გვერდიდან
00:09, 8 მაისი 2025-ის ვერსია, შეტანილი Tkenchoshvili (განხილვა | წვლილი)-ის მიერ
„თ“ – ქართული ანბანის მერვე (ძველ ქართულში მეცხრე) ასო. მისი სახელია „თანი“; გრაფიკული სიმბოლო წინაენისმიერი ხშული ფშვინვიერი ფონემისა. ასომთავრულში იწერებოდა Ⴇ, მისი მოხაზულობა ნახევარწრისა და ხაზის ურთიერთკომბინაციაა, რომელიც კვადრატულ არეს იკავებს. ნუსხური ⴇ მარჯვნივაა გადახრილი, მხედრული კი ერთიანი, მომრგვალებული კონტურის მქონეა. ნუსხური ⴇ და მხედრული თ ოთხხაზოვანი სისტემის შუა ორ ხაზს შორის იწერება.
ძველ ქართულ სათვალავში აღნიშნავდა ცხრას (9), ახალ ქართულში ჩამოთვლისას აღნიშნავს (ანბანის რიგის მიხედვით) მერვეს.
