თარხუნის ძე მირიან

მირიან თარხუნის-ძე - კლდეკარის ერისთავი 1058-1073 წწ.; ლიპარიტ (IV) ბაღვაშის შემდეგ კლდეკარის ერისთავობა ეპყრა მირიან თარხუნის-ძეს, რაზედაც იუწყება ატენის, ვერეს და ბარმაქსიზის წარწერები. წარწერებიდან კარგად ჩანს, რომ მირიან თარხუნის-ძეს ყველა ის საგამგებლო ქვეყანა დაუკავებია, რომლებიც ადრე ლიპარიტს ჰქონდა. მირიანი კლდეკარის ერისთავი უნდა ყოფილიყო 1073 წ-მდე, სანამ გიორგი II (1072-1089) კლდეკარის საერისთავოს უბოძებდა სპასალარ ივანე ბაღვაშს.

წყაროები და ლიტერატურა

მატიანე ქართლისაჲ 1955: 305; ბაქრაძე 1959: 74-76; ბერძენიშვილი 1964: 38; ოთხმეზური 1981: 40; ბახტაძე 2003: 179.

წყარო

ცენტრალური და ადგილობრივი სამოხელეო წყობა შუა საუკუნეების საქართველოში. [ენციკლოპედიური ლექსიკონი]. – კორნელი კეკელიძის სახელობის საქართველოს ხელნაწერთა ეროვნული ცენტრი. – თბილისი2017