კავატინა

კავატინა - (იტალ. cavatina), ლირიკული ხასიათის არია ოპერასა და ორატორიაში. კავატინა არიისაგან განსხვავდება მეტი უბრალოებით, მელოდიის მღერადობითა და მასშტაბის სიმცირით. XIX ს. I ნახევარში კავატინას უწოდებდნენ პრიმადონას ან პრემიერის გამოსასვლელ არიას, XIX ს. II ნახევრიდან კი მცირე ზომის მღერადი ხასიათის საკრავიერ პიესასაც.

წყარო

მუსიკის ენციკლოპედიური ლექსიკონი / [შემდგ.: ანზორ თამარაშვილი; მთ. რედ.: გულბათ ტორაძე]. [ახალციხე: თბილ. უნ-ტის მესხეთის ფილიალის გამ-ბა], 2005 (ა.ო. "პროგრესი")