ნეიგაუზი გენრიხ
გენრიხ ნეიგაუზი – (31 მარტი (12 აპრილი). 1888, ელიზავეტგრადი – 10 ოქტომბერი 1964, მოსკოვი], რუსი პიანისტი, პედაგოგი, რსფსრ სახალხო არტისტი (1956). 1915 ექსტერნის წესით დაამთავრა პეტროგრადის კონსერვატორია 1916-18 თბილისის მუსიკალური სასწავლებლის, 1918-22 კიევის კონსერვატორიის პედაგოგი (1919-იდან პროფესორი), 1922-64 მოსკოვის კონსერვატორიის პროფესორი (1935-37 დირექტორი).
ნეიგაუზი მკვეთრად გამოხატული რომანტიკული სტილის პიანისტი იყო. შესანიშნავად ასრულებდა ლ. ბეთჰოვენის, რ. შუმანის, ფ. შოპენის, ფ. ლისტის, ი. ბრამსის, ა. სკრიაბინის, ს. პროკოფიევის, დ. შოსტაკოვიჩისა და სხვ. ნაწარმოებებს. მისი მოწაფეები არიან ს. რიხტერი, ე. გილელსი, ი. ზაკი, ს. ნეიგაუზი, ა. ნიჟარაძე. 1948-55 სისტემატურად ჩამოდიოდა თბილისში (კონცერტები, ღია გაკვეთილები). მისი შვილია ცნობილი პიანისტი სტანისლავ ნეიგაუზი (1927-1980).
