პოლიგნოტოსი

პოლიგნოტოსი − (ძვ.ბერძ. Πολύγνωτος), ძვ.წ. V ს-ის უდიდესი ფერმწერი კუნძულ თასოსის მკვიდრი, რომელმაც დიდი ღვაწლის გამო ათენის მოქალაქეობაც კი მიიღო. იგი ქმნიდა დიდ, მასშტაბურ ფრესკებს, მრავალფიგურიან კომპოზიციებს. ძველ საბერძნეთში განსაკუთრებული პოპულარობით სარგებლობდა მის მიერ დელფოში მოხატული კნიდოსელთა ლესქე, სადაც დიდ კედელზე (9x4 მ) წარმოდგენილი იყო ორი სცენა − ტროას აღება და ოდისევსი მიცვალებულთა სამეფოში. თითოეული კომპოზიცია 70-90 ფიგურას შეიცავდა. ასევე ცნობილია, რომ მან მოგვიანებით, როდესაც უკვე ათენის მოქალაქე გახდა, სხვა ორ ფერმწერთან ერთად მოხატა სტოა, რომელმაც მოგვიანებით „პოიკილეს“ სახელი მიიღო, რაც ძველბერძნულად ჭრელს ან მოხატულს ნიშნავდა.

ოდისევსი მიცვალებულთა სამყაროში, რეკონსტრუქცია

ტროას აღება, რეკონსტრუქცია

წყარო

• ანტიკური საბერძნეთი