აბელოვი ვასილ
ვასილ აბელოვი − (25.10.1835–24.01.1905), გენერალ-მაიორი (01.05.1891).
დაიბადა ტფილისში. განათლება მიიღო კერძო დაწესებულებაში. სამხედრო სამსახური დაიწყო რიგითად დაღესტნის ქვეით პოლკში 1850 წელს.
1852 წლიდან მსახურობდა უნტერ-ოფიცრად ქართულ პოლკში. მონაწილეობდა 1853-1856 წლების ყირიმის (აღმოსავლეთის) ომში. 1853 წლიდან ოფიცერი იყო. ომის შემდეგ მეთაურობდა იმიერკასპიის მე-8 მსროლელ ბატალიონს.
1872-1885 წლებში მეთაურობდა 155-ე ყუბის ქვეით პოლკს.
1885 წლის 12 ოქტომბერს მიენიჭა პოლკოვნიკის სამხედრო წოდება.
1879-1880 წლებში მსახურობდა ყარსის ოლქის, ოლთისის ოკრუგის უფროსად.
1880-1891 წლებში მსახურობდა მე-8 სათადარიგო მსროლელი ბატალიონის მეთაურად.
1891 წელს ჯანმრთელობის გამო გადადგა სამხედრო სამსახურიდან.
საბრძოლო დამსახურებისათვის დაჯილდოებული იყო ოქროს ხმლით („მამაცობისათვის“ 1864) და რუსეთის ორდერებით:
წმ.ვლადიმერის IV ხარ. ორდენით (ბაფთით-ოფიცრის წოდებებში XXV-წლიანი სამსახურისათვის -1876);
წმ.სტანისლავის III (მახვილებით და ბაფთით-1862) და II-ე ხარ. (მახვილებით-1879) წმ.ანას IV წმ.ანას IV (მამაცობისათვის-1859) და III-ე (1869) ხარ. ორდენებით.
დაკრძალულია ტფილისში, კუკიის სასაფლაოზე.
