ზღვით გადასვლა

ზღვით გადასვლა - ხომალდის (ჯგუფის, რაზმის, შენაერთის, ბადრაგის) სვლა ერთი (საწყისი) პუნქტიდან ან ზღვის (ოკეანის) რაიონიდან მეორეში ამოცანის შესასრულებლად.

ზღვით გადასვლა სრულდება ოპტიმალური მარშრუტით, რომელსაც ირჩევენ გადასვლის რაიონის, თავისი ძალების საბრძოლო და სამანევრო შესაძლებლობების, მოწინააღმდეგის მოსალოდნელი მოქმედებებისა და მისვლის ვადების შეფასების გათვალისწინებით. ხომალდების შენაერთები, რაზმები და ჯგუფები მიდიან სალაშქრო წყობით (მწყობრად ან ორდერებად).

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით. თბილისი,2017