ჯავშანმატარებელი
NPLG Wiki Dictionaries გვერდიდან
16:38, 22 მარტი 2018-ის ვერსია, შეტანილი Tkenchoshvili (განხილვა | წვლილი)-ის მიერ
ჯავშანმატარებელი - ჯავშნიანი მოძრავი სარკინიგზო შემადგენლობა, რომელზეც დამონტაჯებულია საარტილერიო შეიარაღება და ტყვიამფრქვევები. მისი დანიშნულებაა ჯარების ცეცხლით მხარდაჭერა და რკინიგზის ზოლში დამოუკიდებელი საბრძოლო მოქმედებების წარმოება.
ორგანიზაციულად ჯავშანმატარებელი სამხედრო ფორმირებაა, რომელიც შედგება თავად ჯავშნისა და ბაზისგან. ჯავშანი შედგება ჯავშანლოკომოტივისგან, ორი ჯავშანვაგონის ან ჯავშანმოედნისგან და 2 - 4 დაფარვის პლატფორმისგან (აყენებენ ჯავშანს წინ და უკან). იყენებდნენ I და II მსოფლიო ომებში.
