ნელსონი ჰორაციო

ჰორაციო ნელსონი

ნელსონი ჰორაციო - (Nelson, 1758-1805), ინგლისელი ზღვაოსანი, ვიცე-ადმირალი (1801). 1798 წლიდან მეთაურობდა ესკადრას ხმელთაშუა ზღვაში. რამდენიმე გამარჯვება მოიპოვა ფრანგულ ფლოტზე (მ.შ. აბუკირთან 1798), ხოლო 1805 წელს დაამარცხა ფრანგულ-ესპანური ფლოტი ტრაფალგართან ბრძოლაში, სადაც სასიკვდილო ჭრილობა მიიღო.

ნელსონის საქმიანობამ ხელი შეუწყო ბრიტანეთის საზღვაო ძლიერების გაზრდას. იყო გაბედული მოქმედებების მომხრე, იყენებდა მანევრულ ტაქტიკას.

წყარო

ქართული სამხედრო ენციკლოპედიური ლექსიკონი