არაბთა გაერთიანებული საამიროები
არაბთა გაერთიანებული საამიროები – სახელმწიფო არაბეთის ნახევარკუძულის აღმოსავლეთ სანაპიროზე. არაბთა გაერთიანებული ემირატები (აგე) წარმოადგენს შვიდი არაბული სამთავროს კავშირს. მდებარეობს არაბეთის ნახევარკუნძულის ჩრდილო–აღმოსავლეთ ნაწილში, სპარსეთისა და ომანის უბეების სანაპიროზე.
ფართობი – 83,6 ათ. კმ2. მოსახლეობა შეადგენს 4,7 მლნ. კაცს (2012). მოსახლეობის 90% არაბია, დანარჩენი – სხვა არაბული სახელმწიფოებიდან, ინდოეთიდან, პაკისტანიდან.
სახელმწიფო ენა – არაბული.
დედაქალაქი – ქ. აბუ-დაბი.
მსხვილი ქალაქია აგრეთვე დუბაი (90 ათასი მცხოვრებით).
გაბატონებული რელიგია - მუსლიმანური (სუნი, ნაწილობრივ შიი),
ეროვნული დღესასწაული – დამოუკიდებლობის გამოცხადების დღე – 2 დეკემბერი (1971).
არაბთა გაერთიანებული საამიროები ფედერაციული სახელმწიფოა, შედგება 7 ემირატისაგან (სათავადოსგან): აბუ-დაბი, ანჯამანი, დუბაი, რას-ელჰაიმა, უმ-ელ-კაივანი, ელ-ფუჯაირა და შარჯა.
სახელმწიფო ხელისუფლების უმაღლესი ორგანოა ფედერაციის უმაღლესი საბჭო, სახელმწიფოს მეთაურია პრეზიდენტი, სათათბირო ორგანო – ეროვნული საბჭო (პარლამენტი), აღმასრულებელი ხელისუფლება – მინისტრთა საბჭო (მთავრობა).
დამოუკიდებელი სახელმწიფოა 1917 წლის 2 დეკემბრიდან. ქვეყანა გამოირჩევა ცხოვრების მაღალი დონით. ეკონომიკის საფუძველია ნავთობისა და ბუნებრივი აირის მოპოვება.
ძირითადი საზღვაო პორტებია: ჯაბელ-ალი, ჯანელ-დხანი, ფახლტი, დუბაი, რუვაისი, მინასაკრი.
აქვს 6 საერთაშორისო აეროპორტი, მათგან ძირითადებია: აბუ-დაბი, დუბაი, რასელ-ხაიმა.
შეიარაღებული ძალების საერთო რაოდენობა შეადგენს 56 ათ. კაცს (2012). სახმელეთო ჯარები 49 ათ., სამხედრო-საჰაერო 4,5 ათ. და სამხედრო-საზღვაო ძალები 2,5 ათ. კაცი. დაკომპლექტება ხორციელდება კონტრაქტით (დაქირავებით).
სარჩევი |
ისტორია
ემირატების ტერიტორია ინგლისელებმა ხელთ იგდეს XIX საუკუნის დამდეგს, როდესაც იგი „მეკობრეთა სანაპიროს“ სახელწოდებით იყო ცნობილი ეროვნულ-განმათავისუფლებელი მოძრაობის შედეგად 1968 წელს ინგლისელებმა თავისი ჯარი გაიყვანეს, ხოლო 1971 წელს შვიდი სამთავრო-ემირატი გაერთიანდა ერთ არაბულ სახელმწიფოდ. არაბთა გაერთიანებული ემირატები არის არაბული ქვეყნების ლიგისა და გაერთიანებული ერების ორგანიზაციის წევრი.
ბუნებრივი პირობები
გაერთიანებული ემირატების ტერიტორიის რელიეფი ძირითადად დაბლობია, მხოლოდ რას-ალ–ჯებელის ნახევარკუნძულზე არის საშუალო სიმაღლის მთები ტერიტორია მთლიანად ნახევრად უდაბნოსა და უდაბნოს უკავია, ამიტომ მცენარეულ საფარსა და წყალს ძირითადად მოკლებულია (გარდა ოახისეროსა).
მეურნეობა
გაერთიანებული ემირატების ეროვნული შემოსავლის მთავარი წყაროა ნავთობი, რომლის მარაგს 3 მლრდ ტონას ვარაუდობენ, ნავთობის წლიური მოპოვება 75-80 მლნ ტ შეადგენს. შემოსავლის მნიშვნელოვანი წყაროა აგრეთვე სასოფლო-სამეურნეო კულტურების, განსაკუთრებით ფინიკიური პალმის ნაყოფისა და ციტრუსოვანთა წარმოება, საფოსტო მარკების გამოშვება, რომლებიც დიდი მო წონებით სარგებლობს მსოფლიოს ფილატელისტთა შორის. არის
წყარო
ქართული სამხედრო ენციკლოპედიური ლექსიკონი საზღვერგარეთული აზიის ქვეყნები:გეოგრაფიული და პოლიტიკური ცნობარი
