აპოფასისი
NPLG Wiki Dictionaries გვერდიდან
17:23, 20 ივნისი 2023-ის ვერსია, შეტანილი Tkenchoshvili (განხილვა | წვლილი)-ის მიერ
აპოფასისი (άπόφασις) - სიტყვასიტყვით „ჩვენება, განცხადება“. პროცედურა, რომელიც ძვ. წ. IV ს-ის შუა წ.წ-ში იქნა შემოღებული ძველ საბერძნეთში. სახალხო კრების მოწოდებით ან საკუთარი ინიციატივით, არეოპაგი უფლებამოსილი იყო შეესწავლა ნებისმიერი შემთხვევა, რომელიც საჯარო უსაფრთხოებას ეხებოდა და წარედგინა განცხადება (აპოფასისი) სახალხო კრებისათვის. ამ განცხადებაში იგი სახალხო კრებას კონკრეტული საქმიანობის რეკომენდაციას აძლევდა, ასე მაგალითად, დასახელებული პირის სამართლებრივი დევნისაკენ მოუწოდებდა.
