არჯევანიძე გიორგი

არჯევანიძე გიორგი პავლეს ძე - (24.I.1863 - 16.I. 1940) - გენერალი. სამხედრო სამსახური დაიწყო 1881 წელს. პოდპორუჩიკი (1883), პორუჩიკი (1887), შტაბსკაპიტანი (1893), კაპიტანი (1899). იყო რუსეთ-იაპონიის ომის მონაწილე. პოდპოლკოვნიკი (1905), პოლკოვნიკი (1910). I მსოფლიო ომის მონაწილე. 153-ე ქვეითთა პოლკის მეთაური. გენერალ-მაიორი (1916; წარჩინებისთვის). 1917 წლის სექტემბერში 123-ე ქვეითთა დივიზიის მეთაურია. დაჯილდოებული იყო ორდენებით: წმ. სტანისლავი მე-2 ხარისხის, წმ. ანას მე-2 ხარისხის, წმ. ვლადიმირის მე-4 ხარისხის ხმლებით და ბაბთით, წმ. ვლადიმირის მე-3 ხარისხის ხმლებით, წმ. გიორგის მე-4 ხარისხის ორდენით.

1917-1918 წლებში ქართული დივიზიის მეთაურია. დამოუკიდებლობის წლებში მსახურობდა საქართველოს შეირაღებულ ძალებში. 1920 იყო ქალაქ ფოთის გარნიზონის უფროსი. ემიგრაციაში არ წასულა. 1921-1929 წლებში მსახურობდა წითელ არმიაში, იყო ამიერკავკასიის ქვეითთა სკოლის უფროსი. 1929 გავიდა თადარიგში.

მიხეილ ბახტაძე

ლიტერატურა

• Русская армия в Великой войне http://www.grwar.ru;
• М. Гогитидзе, Военная элита Кавказа т. 1, 2007.

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი

იხილე აგრეთვე

გიორგი არჯევანიძე