ალმანია
NPLG Wiki Dictionaries გვერდიდან
17:20, 20 ივნისი 2023-ის ვერსია, შეტანილი Tkenchoshvili (განხილვა | წვლილი)-ის მიერ
ალმანია - ალმანის გაღება, ყისტი - ჩვეულება ფშავში, რომლის მიხედვით მოკლულის ნათესავს უფლება ჰქონდა მკვლელისგან, თავსისხლის გარდა, მოეთხოვა ის ნივთი, რომელიც მას მოეწონებოდა. როდესაც ერთ თემს მეორე თემის სისხლი ემართა, ალმანიად მამულსაც კი ართმევდა. ალმანიიდან გათავისუფლებული იყო ის იარაღი, რომელიც ომში ან ლაშქრობაში პატრონს ასახელებდა. ასეთი იარაღის წართმევა ანუ ყისტად მოდება არავის შეეძლო. ალმანიისგან გათავისუფლებული იყო საკუთარი ნათესავის (გვარის) მკვლელი.
