რურუა რომან
რომან რურუა – დაიბადა 1942 წლის 25 ნოემბერს მარტვილის რაიონის სოფელ მუხურჩაში. — სპორტსმენი, კლასიკური სტილის მოჭიდავე (63 კგ, 68 კგ). მსოფლიოს ოთხგზის ჩემპიონი (1966, 67, 69, 70), სსრკ-ის ხალხთა III, IV და V სპარტაკიადების ჩემპიონი (1963, 67, 71), სსრკ-ის სამგზის ჩემპიონი (1964, 65, 70). საქართველოს ნაკრების მთავარი მწვრთნელი (1984-85), სსრკ-ის ნაკრების მწვრთნელი (1984-87), საქართველოს ბერძნულ-რომაული სტილის ჭიდაობის ფედერაციის პრეზიდენტი (1991-93), სსრკ-ის სპორტის დამსახურებული ოსტატი. ვახტანგ გორგასლის II ხარისხის, ღირსების და ბრწყინვალების საპრეზიდენტო ორდენების, სოკ-ისა და ფილა-ს ორდენების კავალერი.
სარჩევი |
განათლება
საქართველოს პოლიტექნიკური ინსტიტუტის ქიმიის ფაკულტეტი (1974).
სამუშაო გამოცდილება
- მე-5 მოწვევის პარლამენტის წევრი (1999-2004): პარტიული სიით, ბლოკი „მრეწველობა გადაარჩენს საქართველოს“, განათლების, მეცნიერების, კულტურისა და სპორტის ქვეკომიტეტის თავმჯდომარე.
სპორტული კარიარა
1964 წლის ოლიმპიური თამაშები
63 კგ, 27 მონაწილე
1. იმრე პოიაკი (უნგრეთი)
2. რომან რურუა (სსრკ)
3. ბრანკო მარტინოვიჩი (იუგოსლავია)
I წრე ქულებით მოუგო კაჟიმირჟ მაჩოჰს (პოლონეთი); II წრე წმინდად (4,26) დაამარცხა მუზაჰირ სილე (თურქეთი); III წრე ქულებით სძლია სვენ პეტერ სკრიდსტრუპს (დანია); IV წრე ქულებით გაიმარჯვა იოზეფ მევისთან (ბელგია) შეხვედრაში; V წრე ქულებით მოუგო კოძი საკურამას (იაპონია); ფინალი ფრედ (0:0) დასრულდა იმრე პოიაკთან (უნგრეთი).
1968 წლის ოლიმპიური თამაშები
63 კგ, 23 მონაწილე
1. რომან რურუა (სსრკ)
2. ჰიდეო ფუძიმოტო (იაპონია)
3. სიმიონ პოპესკუ (რუმინეთი)
I წრე წმინდად (5,28) დაამარცხა ისმაილ ალკარაგული (ერაყი); II წრე წმინდად (6,23) მოუგო ჯეიმს ჰეიზვინკელს (აშშ); III წრე წმინდად (4,37) გაიმარჯვა სრეტენ დამიანოვიჩთან (იუგოსლავია); IV წრე წმინდად (8,56) მოუგო ლოთარ შნაიდერს (გდრ); V წრე ქულებით სძლია მეტინ ალაკოჩს (თურქეთი); VI წრე ქულებით
დაამარცხა დიმიტარ გალინჩევი (ბულგარეთი); ფინალი ფრედ (1:1) დასრულდა ჰიდეო ფუძიმოტოსთან (იაპონია).
იხილე აგრეთვე
წყარო
- ქართველი სპორტსმენები
- ქართველი მოჭიდავეები
- ქართველი ოლიმპიური ჩემპიონები
- ქართველი პოლიტიკოსები
- მსოფლიოს ჩემპიონები
- ქართველი მწვრთნელები
- საბჭოთა კავშირის სპორტის დამსახურებული ოსტატები
- საქართველოს პარლამენტის წევრები
- 1999-2004 წლების საქართველოს V მოწვევის პარლამენტის წევრები
- მრეწველობა გადაარჩენს საქართველოს წევრები
- საქართველოს ღირსების ორდენის კავალრები
- ვახტან გორგასლის სახელობის ორდენის კავალრები
- რურუები
