არიერსცენა
NPLG Wiki Dictionaries გვერდიდან
15:23, 15 ივლისი 2021-ის ვერსია, შეტანილი Tkenchoshvili (განხილვა | წვლილი)-ის მიერ
არიერსცენა − (ფრანგ. arrière-scène), სცენის უკანა ნაწილი, წარმოადგენს ძირითადი სცენის გაგრძელებას და სათადარიგო ნაგებობაა დეკორაციების გასამართავად, რომელიც სიღრმის ილუზიას ქმნის.
არიერსცენა გაჩნდა სცენის სიღრმესთან, კოლოფთან ერთად. თანამედროვე თეატრის შენობაში არიერსცენა ხშირად უფრო ღრმა და განიერია: აქ თავსდება აგრეთვე „ფურკები“, ანუ დამრეცი, მბრუნავი წრე, რომელზედაც წინასწარ განლაგებულია დეკორაციები. არიერსცენის თავზე ეწყობა ცხაურები დეკორაციების ამწეებით, აგრეთვე გასანათებელი აპარატურა. არიერსცენის იატაკის ქვეშ კი საწყობებია ჩამოსაკიდებელი დეკორაციებისათვის – ცეცხლგამძლე სეიფებისათვის, არიერსცენის მნიშვნელობა კიდევ უფრო იზრდება დეკორაციათა შუქპროექცირების განვითარებასთან დაკავშირებით.
