ამატები
NPLG Wiki Dictionaries გვერდიდან
19:57, 30 მარტი 2021-ის ვერსია, შეტანილი Tkenchoshvili (განხილვა | წვლილი)-ის მიერ
ამატები - (Amati) ხემიანი საკრავების ოსტატთა იტალიური ოჯახი (ქ. კრემონა, ჩრდ. იტალია).
ანდრეა ამატი (დაახ. 1520-1580], კლასიკური ტიპის ვიოლინოს ერთ-ერთი შემქმნელია. მისმა შვილებმა ანდრეა ანტონიო (1540-1630 შემდეგ) და ჯიროლამო (1561-1630) ამატებმა განაგრძეს და განავითარეს მამის ხელობა. ჯიროლამოს ძე ნიკოლო (1596-1684], ამატების ყველაზე თვალსაჩინო წარმომადგენელი, ა. გვარნერისა და ა. სტრადივარის მასწავლებელი იყო. ამატების ვიოლინო კამერული ტიპისაა, გამოირჩევა დახვეწილი ფორმითა და ნაზი ჟღერადობით.
წყარო
მუსიკის ენციკლოპედიური ლექსიკონი / [შემდგ.: ანზორ თამარაშვილი; მთ. რედ.: გულბათ ტორაძე]. [ახალციხე: თბილ. უნ-ტის მესხეთის ფილიალის გამ-ბა], 2005 (ა.ო. "პროგრესი")
