Linum nodiflorum L
NPLG Wiki Dictionaries გვერდიდან
15:33, 1 ოქტომბერი 2019-ის ვერსია, შეტანილი Tkenchoshvili (განხილვა | წვლილი)-ის მიერ
Linum nodiflorum L. – ოჯახი: სელისებრნი (Linaceae). 10-55 სმ სიმაღლის ერთწლიანი ბალახოვანი მცენარეა. ღერო სწორია ან წამოწეული, ზედა ნაწილში შიშველი, ძირში მცირედ შებუსული. ქვედა ფოთლები ნიჩბისებურია. ზედა ფოთლები მჯდომარეა, ლანცეტა ან ფართო-ხაზური, 3-5-ძარღვიანი, შიშველი ან ქვედა მხარეზე შებუსული. ყვავილები ყვითელია. ყვ. ნაყ. VI-VII. მცენარე იზრდება დაბლობიდან შუა სარტყლამდე – მდელოებზე, ბუჩქნარებში და ტყის პირას, მინდვრებში და ფერდობებზე. კახეთში ამ მცენარის ნახვა შესაძლებელია ქალაქ წნორის მიდამოებში. გავრცელებულია აფხაზეთში, ქართლსა და ქვემო ქართლში.
