ტეტრალოგია

ტეტრალოგია – (ბერძ-დან. τετρα- tetra-, „ოთხი” და -λογία -logia, „დისკურსი”), ძველბერძნულ თეატრში, ძვ. წ. ა. V საუკუნის ოთხი დრამატული ნაწარმოები (სამი ტრაგედია და ერთი „სატირული დრამა“), რომლებიც გამოჰქონდა დრამატურგს ათენში გამართულ შეჯიბრებაზე. ახალი დროის დრამატურგიაში ტეტრალოგიის ნიმუშებია გ. ჰაუპტმანის პიესები ანტიკურ თემებზე – „იფიგენია ავლიდაში“, „ელექტრა“ და სხვ. მუსიკალურ თეატრში ტეტრალოგიის მაგალითია რ. ვაგნერის ოპერების ციკლი „ნიბელუნგის ბეჭედი“.

წყარო

ხელოვნების განმარტებითი ლექსიკონი