მიუსე ალფრედ დე

ალფრედ დე მიუსე − (ფრანგ. Alfred de Musset, 1810–1857), ფრანგი მწერალი, პოეტი, დრამატურგი.

პიესები: „ვენეციანური ღამე“, დრამატული პოემა „თასი და ბაგეები“, „რაზე ოცნებობენ გოგონები“, „ახირება“, „ანდრეა დელ სარტო“, „თავისტეხა არ არის საჭირო“, „მარიანას ჟინი“, „სიყვარულით არ ხუმრობენ“, „ფანტაზიო“, „შანდალი“, ისტორიული დრამა „ლორენცაჩო“. (და სხვ.). ამ პიესებში შერწყმულია ტრაგიკული და კომიკური, გროტესკი და ლირიზმი. მისი ბოლო პიესები სალონური ხასიათისაა და აღადგენს არისტოკრატიული კომედიის ჟანრს: „საჭიროა, რომ კარი ან ღია იყოს, ან დახურული“, „ლუიზონი“, „ყველაფერს ვერ გაითვალისწინებ“, „ვირი და წყარო“ (და სხვ.).

წყარო

მსოფლიო თეატრის ენციკლოპედიური ლექსიკონი