აპლიკატურა

ალესანდრო სკარლატის ტოკატის აპლიკატურა (XVIII ს.)

აპლიკატურა - (გერმ. Applikatur ლათ. applico მივწევ, მივაყენებ, მივადებ), თითების განლაგებისა და მონაცვლეობის წესი მუსიკალურ საკრავზე დაკვრის დროს, აგრეთვე ამ წესის აღნიშვნა ნოტებში (იწერება არაბული ციფრებით შესაბამისი ნოტის ზემოთ ან ქვემოთ). აპლიკატურა საშემსრულებლო ოსტატობის მნიშვნელოვანი მხარეა. ექვემდებარება მხატვრული გამომსახველობის მიზნებს, დამოკიდებულია საკრავის ტექნიკურ თავისებურებებსა და შემსრულებლის შესაძლებლობაზე.

წყარო

მუსიკის ენციკლოპედიური ლექსიკონი