წითელ-ლოყა (გარგარის ჯიში)

წითელ-ლოყა

წითელ-ლოყა - (Rothbockige). სინონიმი: ერევნული გარგარის ძველი ევროპული ჯიშია. ჯიში გვხვდება საქართველოს რაიონებში ყველგან, სადაც კი გავრცელებულია გარგარის კულტურა. ამ ჯიშის დადებით მხარეებს შეადგენს გვიანი ყვავილობა, უხვი მოსავლიანობა და ნაყოფის კარგი ტრანსპორტაბელობა, მასთან ერთად ლამაზი გარეგნობა. წითელ–ლოყას უარყოფით მხარეებად უნდა ჩაითვალოს სუსტი გამძლეობა Monilia-ს წინააღმდეგ.

ხე ხასიათდება განიერი გაშლილი ვარჯით, დატოტვა თხელი აქვს, ერთწლიანი ყლორტები მუქი წითელი ფერისაა.ყვავილობა გვიან ახასიათებს.

ნაყოფი მწიფდება ივლისის შუა რიცხვებიდან. ნაყოფი ხეზე ერთდროულად არ მწიფდება. ნაყოფი საშუალო სიდიდისაა (4,6X4,6X4,8 სმ.). ერთი ნაყოფის საშუალო წონა 50გრ.–ს უდრის. ნაყოფის ფორმა მომრგვალო განიერ–კვერცხისებრია; ღარი ძაბრთან ღრმაა, სხვაგან ნაკლებად შესამჩნევი. ძაბრი ღრმა და საკმაოდ განიერი აქვს. ნაყოფის კანი თხელია, საშუალო სიმკვრივის.

ნაკლებად შებუსვილია, კანის ძირითადი ფერი მოყვითალო–ნარინჯისფერია; ნაყოფის ნახევარზე მეტი დაფარულია ჟოლოსფერ–წითელი შეფერვით.

ნაყოფის ხორცი ნარინჯისფერია, მკვრივი, წვნიანი, მომჟავო გემოსი, ნაკლებად სურნელოვანი. კურკა კარგად სცილედება ნაყოფის ხორცი, იგი მობრტყელებული ფორმისაა და შეადგენს ნაყოფის წონის 6,4%.

წყარო

საქართველოს კულტურული ფლორის ატლასი = Атлас культурной флоры Грузии = Atlas for the cultivated Flora of Georgia / ნ. ხომეზურიშვილი და ელ. ერისთავი ; საქართველოს სსრ მიწსახკომი. ლ.პ. ბერიას სახელ. სას.-სამ. ინსტიტუტი. - თბილისი : ტექნიკა და შრომა, 1939-1951. - 30 სმ[MFN: 51572] თემატიკა: - საქართველოს კულტურული ფლორის ატლასები; ტ. 2 : საქართველოს სამრეწველო ხილის ჯიშები = Промышленные сорта плодов Грузии = Varietes of commercial Georgian Fruits. - 1941. - 217, LIV გვ. : ილ., 71 ჩართ. ფურც. ფერ. ილ.. - დამატებითი თავფურცელი რუსულ, ინგლისურ ენებზე. - ტექსტი ქართულ, რუსულ, ინგლისურ ენებზე. - 73მ., ყდა 7მ., 2500ც.[MFN: 52879] UDC: 634.1/7:631.526.32 თემატიკა: - ხილის ჯიშები საქართველოში;