აბრამიანი (ლექსი)

აბრამიანი – ბიბლიურ სიუჟეტზე აღმოცენებული ხალხური ლექსი. აბრამიანს დიდი ადგილი ეჭირა მესტვირეთა რეპერტუარში. ვარიანტების უმრავლესობა შეიცავს ორ ძირითად ეპიზოდს: აბრამის უშვილობასა და ისაკის მსხვერპლად შეწირვას. აბრამიანის უძველესი ხელნაწერი დათარიღებულია 1831 წ. პირველად გამოიცა 1874 წ., უფრო სრულია 1898 წ. გამოცემა.

ვ. მაცაბერიძე.

ლიტერატურა

• მერკვილაძე ს., ხალხური აბრამისა და იობის ლექსი. თბ., 1898;
• ხახანაშვილი ა., ქართული სიტყვიერების ისტორია (უძველესი დროიდან XVIII საუკ. გასულამდე), თბ., 1904, 1913, 1919;
• ცანავა ა., სასულიერო ლექსები, ქართული ხალხური პოეტური შემოქმედება, 11, თბ., 1968.

წყარო

ქართული ფოლკლორის ლექსიკონი: ნაწილი I