პოლონეთის გეგმა 1964
პოლონეთის გეგმა 1964 – (ცენტრალურ ევროპაში ბირთვული იარაღის გაყინვის გეგმა), წამოაყენა პოლონეთის სახალხო რესპუბლიკის მთავრობამ 29.11.1264 სსრკ-ის, გდრ-ის, ჩეხოსლოვაკიის, აშშ-ის, დიდი ბრიტანეთის, საფრანგეთის, ბელგიის, ნიდერლანდის, კანადის და მთელი რიგი სხვა სახელმწიფოების მთავრობებისადმი გაგზავნილ მემორანდუმში ითვალისწინებდა ბირთვული იარაღის გაყინვის რაიონებში პოლონეთის, ჩეხოსლოვაკიის, გდრ-ისა და გფრ-ის ტერიტორიების ჩართვას, ასევე ამ რაიონის გაფართოებას მასთან სხვა ევროპულ სახელმწიფოთა მიერთების გზით: გარანტიებისა და კონტროლის სისტემის შექმნას შესაბამისი შეთანხმებების შესრულების მიზნით, მხარეებს, რომელთაც ჰყავდათ შეიარაღებული ძალები გაყინვის რაიონში, უნდა ეკისრა ვალდებულება, არ ეწარმოებინათ ამ რაიონში ბირთვული იარაღი, არ გადაეცათ სხვა მხარეებისათვის, ამ გეგმის განხორციელება განიხილებოდა როგორც პირველი ნაბიჯი ევროპაში უბირთვო ზონის შესაქმნელად.
