უდებება

'უდებება - მცონარება ანუ სიზარმაცე

მცონარება, იგივე სულიერი სიზარმაცე, ადამიანური სისუსტეა, რომელიც ცოდვაში გვაგდებს. მცონარებაშია ადამიანი, რომელიც არ ცდილობს საკუთარი ცოდვების დაძლევას, მიაჩნია, რომ მისი სულიერი მდგომარეობა ამას ნაკლებად საჭიროებს, ან საერთოდ არ საჭიროებს. ადამიანი, თავისი ცოდვილი ბუნებიდან გამომდინარე, მცონარებასთან ბრძოლას, ცხადია, მარტო ვერ შეძლებს; აქაც, ისევე როგორც ყველგან და ყველაფერში, მას უფალი შეეწევა, მთავარია, ამის ცოცხალი სურვილი ჰქონდეს. მოგეხსენებათ, ის, რაც კაცთათვის შეუძლებელია, ღვთისთვის შესაძლებელია. ღმერთის შემწეობით, ეკლესიის წიაღში ადამიანს შესწევს უნარი, აღმოფხვრას მცონარება ყოველდღიური ცხოვრებიდან.

წყარო

• ბარბაქაძე ლია, ჯიბის ცნობარი მართლმორწმუნე ქრისტიანისათვის. თბილისი, 2013 წ.
• დეკანოზი გურამ გურამიშვილი, უდებება და მცონარება