ბომბარდა

ბომბარდა - (ფრანგული bombarde – ზარბაზანი), ერთ-ერთი ყველაზე ადრინდელი ევროპული ქვემეხი (XIV-XVI საუკუნეებში).

გამოიყენებოდა ციხესიმაგრეების ალყისა და დაცვის დროს. 300-400 კგ-იან ქვის ჭურვებს (ბირთვებს) ისროდა დაახლ. 700 მ-ის მანძილზე. ძველად ზოგჯერ ბომბარდას უწოდებდნენ ხელის ცეცხლსასროლ იარაღსაც.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით, - თბილისი, 2017.