შეზღუდული ბირთვული ომის დოქტრინა
„შეზღუდული ბირთვული ომის“ დოქტრინა – კონცეფცია, რომელიც განსაზღვრავს შეზღუდულ ომებში ბირთვული იარაღის გამოყენების პრინციპებს. წამოაყენეს აშშ-ში 50-იანი წლების II ნახევარში. ევროპაში შეზღუდული ბირთვული ომი, „მოქნილი რეაგირების“ სტრატეგიის თანახმად, განიხილებოდა როგორც საყოველთაო ბირთვული ომის ეტაპი. 70-იანი წლების დამდეგიდან სტრატეგიული მიზნების მისაღწევად რეგიონულ ომში თანდათან შემოიღეს საბრძოლო მასალების რაოდენობის და სიმძლავრის შეზღუდვები გასანადგურებელი მიზნების მიხედვით ბირთვული იარაღის დარტყმების სიღრმის და რაიონების გათვალისწინებით. ამერიკის სამხედრო თეორია შეზღუდულ ბირთვულ ომებს მიაკუთვნებს მაღალი ინტენსიურობის ომებს.
წყარო
ქართული სამხედრო ენციკლოპედიური ლექსიკონი. აკადემიკოსის, გენერალ–მაიორ ელგუჯა მეძმარიაშვილის საერთო რედაქციით, – თბილისი 2017
