მელიქაური
NPLG Wiki Dictionaries გვერდიდან
მელიქაური - (Daphne pontica L.); ოჯახი: მაჯაღვერასებრნი (Thymelaeaceae). 1 მ-მდე სიმაღლის, შიშველი სწორად მდგომი ბუჩქია, წვერი შეფოთლილი. ფოთლები ტყავისებურია, დიდი ზომის, 5-6 სმ სიგრძისა და 1.5-3 სმ სიგანის, ფორმით უკუკვერცხისებურ-ლანცეტა, მჯდომარე. ყვავილები იღლიურია 2-2 ან 3-3 ერთად. ყვავილსაფრის ნაკვთები სქელია, ლანცეტა ფორმისა და მოყვითალო-მომწვანო ფერის. ყვ. ნაყ. IV-VIII. მცენარე იზრდება ტყეებსა და სუბაპლურ ბუჩქნარებში, კახეთში მისი ნახვა შესაძლებელია სოფელ შალაურის მიდამოებში, ბაწარის სახელმწიფო ნაკრძალში. საქართველოში სპორადულად არის გავრცელებული, უფრო ხშირია დასავლეთ საქართველოში.
წყარო
კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.
