რუსული ღიღილო
რუსული ღიღილო - (Centaurea cyanus L. = Cyanus segetum Hill); ოჯახი: რთულყვავილოვნები (Asteraceae). ერთწლიანი ბალახოვანი მცენარეა, აბლაბუდასებური ბეწვით მოფენილი. ღერო სწორია, სიმაღლით – 10-80 სმ. ძირიდანვე დატოტვილი, წაგრძელებული წვრილი ტოტებით. ფესვთანური ფოთლები ყუნწიანია, უკუკვერცხისებურ-ლანცეტა ფორმის, წაწვეტებული. კალათები საშუალო ზომისაა, კვერცხის ზომის, მარტოული. განაპირა ყვავილები ლურჯია, შიგნით – იისფერი. ყვ. ნაყ. V-X. კახეთის ტერიტორიაზე ეს მცენარე გავრცელებულია დაბლობებზე, მინდვრებსა და ქვიან მდელოებზე. მისი ნახვა შესაძლებელია სოფელ ლალისყურის მიდამოებში, დედოფლისწყაროს ახლოს. ცნობილია აფხაზეთსა და იმერეთში, აგრეთვე თითქმის მთელ აღმოსავლეთ საქართველოში.
წყარო
კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.
