Linum nervosum
NPLG Wiki Dictionaries გვერდიდან
12:09, 12 აპრილი 2018-ის ვერსია, შეტანილი Tkenchoshvili (განხილვა | წვლილი)-ის მიერ
Linum nervosum – ოჯახი: სელისებრნი (Linaceae). მრავალწლიანი ბალახოვანი მცენარეა. ღერო სწორია ან წამოწეული. სიმაღლე – 20-55 სმ. ზედა ნაწილში შიშველი, ძირში მცირედ შებუსული. ქვედა ნაწილში ხშირფოთლიანი. ფოთლები მჯდომარეა, ლანცეტა, 3-5-ძარღვიანი, შიშველი ან ქვედა მხარეზე შებუსული. გვირგვინის ფურცლები დიდი ზომისაა, ცისფერი. ყვ. ნაყ. V-VI. მცენარე იზრდება დაბლობიდან სუბალპურ სარტყლამდე – მდელოებზე, ბუჩქნარებში და ტყის პირას. კახეთში ამ მცენარის ნახვა შესაძლებელია სოფელ კონდოლისა და სოფელ უდაბნოს მიდამოებში. ცნობილია თითქმის მთელ საქართველოში.
წყარო
კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.
