ფოლიო
ფოლიო - ოჯახი: გოქშოსებრნი (Dipsacaceae). მრავალწლიანი ბალახოვანი მცენარეა, შიშველი ან შებუსული. სიმაღლე – 20-60 სმ. სწორი, მარტივი ან სუსტად დატოტვილი ფესვთანური ფოთლები წაგრძელებულია, ლანცეტა, მთლიანი, იშვიათად – ფრთისებურად დანაკვთული. ღეროსეული ფოთლებიც ფრთისებურად არის დანაკვთული; კენწრული სეგმენტი ვიწრო-ლანცეტაა, გვერდითები კი – ხაზური. თავაკი თითის ზომისაა. გვირგვინის ფურცლები კაშკაშა ლურჯია. ყვ. ნაყ. VII-VIII. მაღალმთის მცენარეა, იზრდება მდელოებზე, ეტანება მშრალ ადგილებს. კახეთში მისი ნახვა შესაძლებელია კახეთის კავკასიონისა და თუშეთის სუბალპურ და ალპურ მდელოებზე. გავრცელებულია მთელ მაღალმთიან საქართველოში.
წყარო
კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.
