შავჯაგა

შავჯაგა

შავჯაგა – (Rhamnus pallasii Fisch. & C. A. Mey.); ოჯახი: ხეჭრელისებრნი (Rhamnaceae). დაბალი ტანის ტოტებგაშლილი ბუჩქია, ეკლიანი, წვრილი, მოწითალო-ყავისფერი ყლორტებით. ფოთლები კონებად არის შეკრული შემოკლებულ ყლორტებზე. ფოთლები ვიწრო-ხაზურია, სიგრძით 4 სმ-მდე და 5 მმ სიგანით, კიდეებზე დაკბილული. ზრდასრული ფოთლები შიშველია. ყვავილები მომწვანო ზომისაა, კონებად შეკრებილი. ყვ. ნაყ. VI-VIII. მცენარე დამახასიათებელია არიდული მეჩხერი ტყეებისა და ქსეროფილური დაჯგუფებებისათვის. კახეთში მისი ნახვა შესაძლებელია სოფელ კონდოლისა და გარეჯის მიდამოებში. გავრცელებულია აღმოსავლეთ საქართველოში.

წყარო

კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.