აბაშიძე ზაალ (სახლთუხუცესი)

აბაშიძე ზაალ - სამეფო კარის სახლთუხუცესი 1785/1786 წწ. იმერეთის მეფემ დავით გიორგის ძემ დავით არჩილის ძის მიმართ გამოჩენილი ლოიალობის გამო წერეთლები დასაჯა - ჩამოართვა მათ მამულები და სახლთუხუცესის თანამდებობა, რომელიც ისევ აბაშიძეთა გვარს დაუბრუნა. ზაალ აბაშიძეს სახლთუხუცესობა ეპყრა მცირე ხნით. 1789 წ. გამეფებულმა დავით არჩილის ძემ (სოლომონ II) ზურაბ წერეთელი აღადგინა ძველ უფლებებში და სახლთუხუცესობაც ხელახლა უწყალობა.

წყაროები და ლიტერატურა

ნიკო დადიანი 1962: 185-186; ხეც შდ: 507, 508; სოსელია 1981: 110-112.

წყარო

ცენტრალური და ადგილობრივი სამოხელეო წყობა შუა საუკუნეების საქართველოში. [ენციკლოპედიური ლექსიკონი]. – კორნელი კეკელიძის სახელობის საქართველოს ხელნაწერთა ეროვნული ცენტრი. – თბილისი2017