ჩიტისთავა (Gagea lutea)
NPLG Wiki Dictionaries გვერდიდან
.jpg)
ჩიტისთავა - (Gagea lutea [L.] Ker Gawl.); ოჯახი: შროშანისებრნი (Liliaceae). მრავალწლიანი ბოლქვიანი მცენარეა. ძირის ფოთოლი ფართოა. ყვავილედის ძირში 2 სხვადასხვა სიგრძის, გაბნეულბეწვიანი ფოთოლი ზის. ერთი ფოთოლი ლანცეტაა, მეორე – ხაზური. ყვავილედი 3-10-ყვავილიანია. ყვავილსაფარი შიგნიდან მკრთალი ყვითელია, ოდნავ მომწვანო. ყვ. ნაყ. IV-V. გავრცელებულია მთის შუა და ზედა სარტყლებში – ტყეებში, ტყისპირა ადგილებსა და ბუჩქნარებში. კახეთში მისი ნახვა შესაძლებელია გომბორის უღელტეხილზე. გავრცელებულია თითქმის მთელ საქართველოში.
