ამზანუჰვა
NPLG Wiki Dictionaries გვერდიდან
ამზანუჰვა (ამზანჷჰοა) - აფხ. . მთვარის ლოცვა, მამაკაცების მფარველი. აკეთებენ იმდენ სპეციალურ მთვარის ფორმის მოხარშულ კვერს, რამდენი მამაკაციც არის ოჯახში. მამაკაცები იკრიბებიან სავსე მთვარეზე. უხუცესი მიმართავს მთვარეს ლოცვით: შენ, ამზა, მაღალი ღვთაების აითარის წილო, იყავი ჩვენი მამაკაცების მფარველი! მათ შენი ბრწყინვალება და ძალა მიეცი! უხუცესი ღვთაებას სთხოვს საქონლისა და ოჯახის ქონების გამრავლებას ხოლო ის, ვინც ცუდი თვალით შეხედავს მათ და მათ საქონელს, მის დასჯას სთხოვს.
