ციმაკურიძე დავით
ციმაკურიძე დავით - 1952 წლის ჰელსინკის XV ოლიმპიური თამაშები - ოქრო. პირველი ქართველი ოლიმპიური ჩემპიონი. დაიბადა 1925 წლის 29 მარტს, ფოთში.
თავისუფალი სტილის მოჭიდავე. სსრკ-ის შვიდგზის ჩემპიონი (1945-47, 49-52), მეორე (1954) და მესამე (1948) პრიზიორი.
სსრკ-ის ორგზის ვიცე-ჩემპიონი (1947, 48) ბ/რ ჭიდაობაში. სსრკ-ის სპორტის დამსახურებული ოსტატი, საქართველოსა და სსრკ-ის დამსახურებული მწვრთნელი. ფილა-ს, ღირსებისა და ვახტანგ გორგასლის II ხარისხის ორდენების კავალერი. გარდაიცვალა 2006 წლის 8 მაისს თბილისში.
1952 წლის ოლიმპიური თამაშები 79 კგ, 17 მონაწილე
1. დავით ციმაკურიძე (სსრკ)
2. გულამ რეზა ტახტი (ირანი)
3. დიერდ გურიჩი (უნგრეთი)
I წრე ქულებით (1:2) წააგო ბენტ ლინდბლადთან (შვედეთი); II წრე წმინდად (5,58) დაამარცხა დანიელ ჰოჯი (აშშ); III წრე წმინდად (4,55) მოუგო მოჰამედ აბდუ ჰუსეინს (ეგვიპტე); IV წრე ისვენებდა; V წრე ქულებით (3:0) სძლია დიერდ გურიჩს (უნგრეთი); ფინალში ქულებით (2:1) გაიმარჯვა გულამ რეზა ტახტისთან (ირანი) შეხვედრაში.
