მანდარინი კამეი
მანდარინ კამეი - ნაყოფი საშუალო სიდიდისაა, კონუსისებრი; წონით 125 გრამამდე; დიამეტრი 5,3–6,9 – სმ-მდე და სიმაღლე 4,7–5,2 სმ-მდე; ნარინჯის ფერისაა, ზედაპირი შაგრენის ტყავისმაგვარი ან გლუვი, ნაყოფის წვერი ძლიერ ჩაწეული აქვს, ბუტკოს მიმაგრების ადგილი პატარაა, მის ირგვლივ მომსხო და მეჩხერად განლაგებული ეთერზეთოვანი ჯირკვლებია. ჯამის ირგვლივ რადიუსისებრი ღარებია. სურნელება სუსტი აქვს.
ნაყოფის კანი საკმაოდ სქელია, 4 მმ-მდე. აღნაგობა მკვრივი, ნაკლებად მწარე. ქვედა ფენა სქელია, სუსტად შებმული ერთმანეთთან. კანი ხორცს ადვილად სცილდება. გულის ღერძი ვიწრო-ცილინდრული, ამოვსებულია.
სეგმენტები 9–11, თანასწორი, თხელი, საკმაოდ ნაზი აპკით, ბლაგვ-სოლისებრი, ურთიერთ საკმაოდ მჭიდროდ შებმული. საწვნე უჯრედები მოკლე და არათანასწორი. წვენი საშუალო რაოდენობით აქვს. ოდნავ შეყვითლებული და გამჭვირვალე. ახასიათებს სასიამოვნო გემო.
წყარო
საქართველოს კულტურული ფლორის ატლასი = Атлас культурной флоры Грузии = Atlas for the cultivated Flora of Georgia / ნ. ხომეზურიშვილი და ელ. ერისთავი ; საქართველოს სსრ მიწსახკომი. ლ.პ. ბერიას სახელ. სას.-სამ. ინსტიტუტი. ტ. 3 : ციტრუსები / ე. თოფურიძე, მ. ტაბლიაშვილი და ვ. შანიძე ; რედ. და წინასიტყვ. ავტ.: ნ. კეცხოველი.
