არაგაცი

არაგაც-ი (სომხ. Արագած) – მთა სომხურ მითოლოგიაში, მასისის (არარატის) დაჲ. მითის თანახმად, ერთხელ ერთმანეთის მოსიყვარულე დები, არაგაცი და მასისი, წაიკიდნენ. მათ შერიგებას ამაოდ ეცადა მთა მარუტა სარი; ბოლოს, განრისხებულმა ორივენი დაწყევლა, რის გამოც ისინი სამუდამოდ დაშორდნენ ერთმანეთს.

ქრისტიანობის გავრცელების შემდგომი მითის თანახმად, არაგაცის მთაზე ლოცულობდა სომხეთში ქრისტიანობის მქადაგებელი, სომხეთის პირველი კათოლიკოსი, გროგორ განმანათლებელი (III-IV სს. მიჯნა), რომელსაც ღამეს ციდან ჩამოშვებული კანდელი უნათებდა.

ლიტერატურა

• Арутюнян С. Б. Арагац // Мифы народов мира. Т. I. М., 1980.

წყარო

კავკასიის ხალხთა მითები და რიტუალები