ოლდ ვიკი
NPLG Wiki Dictionaries გვერდიდან
16:44, 3 ნოემბერი 2021-ის ვერსია, შეტანილი Tkenchoshvili (განხილვა | წვლილი)-ის მიერ
„ოლდ ვიკი“ – (ინგლ. Old Viс Theatre), უდიდესი ინგლისური თეატრი, შეიქმნა 1818 წ. ლონდონში. პირველ ხანებში ეწოდებოდა „კობურგ ტეატრ“ (Royal Coburg Theatre). მის რეპერტუარში იყო სენსაციური მელოდრამები, არლეკინადები. 1871 წ. თეატრი გადაკეთდა მეორეხარისხოვან მიუზიკ-ჰოლად. ჟანრის მიხედვით თუმც მიუზიკჰოლად რჩებოდა, მაგრამ, ამავე დროს, იგი კულტურულ-საგანმანათლებლო ამოცანებსაც ისახავდა. აწყობდნენ ლექციებს, იწვევდნენ კარგ ორკესტრებს. „ოლდ ვიკის“ თეატრში დაიდგა შექსპირის ყველა პიესა, ჩამოყალიბდა საოპერო და საბალეტო დასები. დროთა განმავლობაში „ოლდ ვიკი“ ქვეყნის წამყვანი თეატრი გახდა.
