მეშჩანური დრამა
მეშჩანური დრამა – დრამატული ჟანრი, ჩაისახა დასავლეთ ევროპის ქვეყნებში XVIII საუკუნეში. გამოხატავდა რა განვითარებად მესამე წოდების (ბურჟუაზიის) ინტერესებს, მეშჩანური დრამა ჩამოყალიბდა ფეოდალური იდეოლოგიის წინააღმდეგ ბრძოლაში. მეშჩანური დრამის ფორმირებას წინ უძღვოდა ახალი დრამატული ფორმის ძიება, რომელშიც შერწყმული იქნებოდა ტრაგიკული სიტუაციები და მესამე წოდების ყოველდღიურ ცხოვრების ასახვა. ამ ახალი ჟანრის შექმნა პირველად ინგლისში სცადეს, შემდეგ საფრანგეთსა და გერმანიაში. XVIII საუკ. ბოლოს გერმ. მეშჩანურმა დრამამ კრიზისი განიცადა. რუსეთში მეშჩანური დრამისადმი ინტერესი გამოავლინეს უკიდურესად რადიკალურად განწყობილმა დრამატურგებმა, რომლებიც ეძებდნენ რუსული თეატრის განახლების გზებს.
მეშჩანურმა დრამამ არსებობა შეწყვიტა XVIII საუკუნეში, მაგრამ მისმა ზოგიერთმა პრინციპმა განვითარება პოვა მელოდრამაში, რომანტიკულ დრამაში XIX საუკ. და ნიადაგი მოამზადა რეალისტური დრამის განვითარებისათვის.
