ჰოლოგრამა
ჰოლოგრამა (ბერძ. holos და gramma, ბერძნულიდან თარგმანში „ყველაფრის ჩანაწერი“) - ფირფიტა, რომელზედაც, ჰოლოგრაფიის საშუალებით ფიქსირებულია ფოტოგრაფირების მთელი ვიზუალური პროცესი. ლაზერის გამოგონების შემდეგშექმნილია ჰოლოგრაფიის ახალი მეთოდი. ახლა, ჩვეულებრივ, ჰოლოგრამები მიიღება ბნელ ოთახში, რომელიც თვითონ ასრულებს ფოტოაპარატის როლს. ლაზერის სხივს ხლეაჩავენ ორად, ერთ ნახევარს (სასიგნალო სხივს) მიმართავენ ფოტოგრაფირებისათვის განკუთვნილ ობიექტზე, მეორეს კი (საყრდენ სხივს) სარკეებით მიმართავენ პირდაპირ ფირფიტაზე. საგნიდან არეკლილი სასიგნალო სხივიც ხვდება ფირფიტაზე. იწყება ურთიერთქმედება. ფირფიტის გამომჟღავნების შემდეგ ობიექტის გამოსახულება მასზე ჯერ კიდევ არ ჩნდება. მისი გამოჩენა სხვადასხვანაირად შეიძლება. ერთ-ერთი ხერხია - ფირფიტაში გავატაროთ ლაზერის სხივი. ერთი და იგივე ჰოლოგრამაზე შეიძლება ჩაწერილი და წარმოქმნილი იქნას ინფორმაციის უზარმაზარი რაოდენობა.
