ტრილოგია

ტრილოგია – (ბერძ. τριλογία), დრამატურგიაში – სამი პიესა, რომლებიც გაერთიანებულია ერთობლივი იდეით, სიუჟეტური თანმიმდევრობით, მოქმედი პირებით, ავტორის საერთო ჩანაფიქრით; ამავე დროს, ტრილოგიაში გაერთიანებული თითოეული პიესა დამოუკიდებელი და დასრულებული ნაწარმოებია. ტრილოგიის ფორმა წარმოიშვა ძველ საბერძნეთში: დიონისეს დღესასწაულზე, პოეტებისა და დრამატურგების შეჯიბრების დროს, სრულდებოდა სამი ტრაგედია, რომლებიც ერთ ციკლში იყო გაერთიანებული. ძველბერძნულ თეატრში, ჩვეულებრივ, ამას ემატებოდა ე. წ. „სატირული დრამა“, რომელიც ტრილოგიასთან ერთად ტეტრალოგიას ქმნიდა.

წყარო

ხელოვნების განმარტებითი ლექსიკონი