ირმის პლუტეუსი

ირმის პლუტეუსი (ლათ. Pluteus atricapillus (secr.) Sing. რუს. Плютей олений)

ქუდი – 5-15 სმ-მდე დიამეტრისაა; ჯერ ზარისებრია, შემდეგ – გაშლილი, შუაში ბორცვაკი ახასიათებს; ზედაპირი ბოჭკოვანია, ნაცრისფერია ან ნაცრისფერ-ყავისფერი. ფირფიტები განიერია.

ფეხი – 5-15სმ სიგრძისაა და 0,8-2 სმ სისქისა; ზედაპირზე ახასიათებს სიგრძივი შავი წვრილი ბოჭკოები, ძირში გასქელებულია; თეთრია.

სპორები – განიერ-ელიფსისებურია, ვარდისფერი, 7-9X5-6 მკმ.

იზრდება დამპალ ხეებზე ზაფხულ–შემოდგომით.

გამოიყენება საჭმელად ახალი.

წყარო

საქართველოს სოკოები