ვირის ჯიმლა

ვირის ჯიმლა (ლათ. Hygrocybe conica (Fr.) Kumm რუს. Гигрофор конический)

ქუდი – 2-5 სმ დიამეტრისაა, კონუსისებრია, ლორწოიანი და პრიალა ზედაპირით; ნარინჯისფერია კაშკაშა წითლამდე, შემდეგ შავდება. ფირფიტები, თავიდან ყვითელი, შემდეგ შავდება.

ფეხი – 5-10 სმ სიგრძისა და 0,4-1 სმ სისქისაა; ყვითელი ან ნარინჯისფერი, ძირთან მოთეთროა.

რბილობი – ნარინჯისფერი, ფეხში თეთრი, შემდეგ შავდება

სპორები – წაგრძელებულ-კვერცხისებრი, უფერული, მოლურჯო ელფერით, 7-11X4-8 მკმ. გარეგნულად — დამახასიათებელი და ადვილად შესამჩნევი სოკოა.

იზრდება ნიადაგზე, მდელოზე ტყის პირას, ზაფხულ-შემოდგომით. შხამიანი სოკოა.

წყარო

საქართველოს სოკოები